Moskva Dövlət Universitetinin Bakı filialının tələbələri AMEA-da olublar

Moskva Dövlət Universitetinin Bakı filialının kimya fakültəsinin birinci kurs tələbələrinin bir qrupu Azərbaycan Milli Elmlər Akademiyasının (AMEA) Neft Kimya Prosesləri İnstitutunda olublar.

AMEA-dan bildirilib ki, tələbələr institutun laboratoriyalarını gəzib, alimlərlə söhbət ediblər. Onlar akademik Y.H.Məmmədəliyevin momerial muzeyi ilə də tanış olublar.

Sonra tələbələr institutun direktoru akademik Vaqif Abbasov ilə görüşüblər. Tələbələrin istək və arzuları dinlənilib, onlara tövsiyələr verilib.

Görüşdə Azərbaycan Respublikasının insan hüquqları üzrə müvəkkili, kimya elmləri doktoru, professor Elmira Süleymanova da iştirak edib.

(Visited 1 times, 1 visits today)