Rusiya Azərbaycanı kiril əlifbasına qayıtmağa çağırdı

Rusiyanın təhsil naziri MDB dövlətlərini kiril əlifbasına qayıtmağa səsləyib.

“Ölkə.Az” xəbər verir ki, nazirin fikrinə görə, MDB məkanında yaşayan vətəndaşlar arasında bağlılıq və zəruriliyi nəzərə alaraq kiril əlifbasına qayıtmaq lazımdır.

SSRİ dağıldıqdan sonra Özbəkistan, Azərbaycan və Türkmənistan kirill əlifbasından latın əlifbasına keçdilər. Qazaxıstan hökuməti bəyan edib ki, 2025-ci ildə tam olaraq latın əlifbasına keçid edəcəklər.

Rusiyanın elm və təhsil naziri Olqa Vasilyeva deyib: “Son on il ərzində böyük problem var idi. Əlifbalar latın və ərəb əlifbasına dəyişdirildi. Hazırda biz MDB məkanında vahid kiril əlifbasına qayıtmalıyıq. Çünki sorğular, əhali, yaxın xaric də kiril əlifbasına bağlılıq və zəruriliyi ehtiva edir.

Vasilyeva qeyd edib ki, Rusiya kirill əlifbasının yayılması məsələsində öz mövqeyini çox dəqiq ortaya qoymalıdır: “Amma son iyirmi il ərzində Rusiyanın bu mövqeyi bir az zəifləyib”.

Hikmət
Ölkə.Az

(Visited 1 times, 1 visits today)